Comeza en Ourense o festival de Teatro lembrando a figura de Suso Díaz

Con 30.000 euros menos de orzamento, hoxe arrinca o Festival Internacional de Ourense (FITO). Unha edición que lembrará a figura de Suso Díaz, actor, escenógrafo e xefe técnico de Sarabela finado a semana pasada. Os 142.00 euros deste certame traerán 15 compañías (dúas menos que en anteriores edicións) entre as que destaca En el réquiem de Mozart dirixida por Marta Carrasco, premiada como a mellor directora de España que, ademais, abre o certame. Na presentación do programa Ánxeles Cuña, directora do FITO, alertou das previsións de recorte do 50% para o teatro galego, “estamos en crise e todos temos que contribuír, pero a achega debería ser máis ecuánime e non atacar tan duramente ao sector cultural” apuntou.