Morre Suso Díaz, integrante de Sarabela Teatro

Era actor, escenógrafo, iluminador, deseñador gráfico.... o polifacético Suso Díaz (1971-2010) apareceu morto no seu domicilio este martes. Vencellado a Sarabela Teatro desde 1988, onde ademais das escenografías e a iluminación ten feito traballo de actor en numerosas montaxes (A esmorga, Margar no pazo do tempo...). Sarabela Teatro suspendeu as súas vindeiras funcións e a participación na Feira Galega das Artes Escénicas. Ánxeles Cuña, directora da compañía destacou o seu traballo e apuntou “a irreparable perda tanto no personal como no profesional”.