A Sección de Crítica da Asociación de Escritores en Lingua Galega celebra o vindeiro venres 22 o seu segundo encontro. Desta volta, a relación entre crítica e literatura infantil e xuvenil centra o evento, que se celebra a partir das 10:30 da mañá no Consello da Cultura Galega. Mesas redondas e conferencias analizarán tanto a crítica literaria como a académica neste campo.
