Esta fin de semana falláronse os XVII premios de Publicidade en Galego que conceden o Consello Asesor da CRTVG e da RTVE-G. O certame, que pretende fomentar a creatividade e o uso do galego nos medios, recoñeceu as campañas da Olaría de Buño (na modalidade de internet), a cuña “ARTS divino” (no apartado radiofónico) e o anuncio “Maloserá” de Gadis (para televisión). Ademais, estableceuse un premio especial “Muralla de Lugo” para celebrar o décimo aniversario do recoñecemento de Patrimonio da Humanidade pola Unesco, e recae u no anuncio de Monbus que tiña o lema “achega a Muralla de Lugo a toda Europa”. Os premios concedéronse no salón de actos da deputación lucense.
