O seu traballo a prol da investigación e divulgación da historia contemporánea de Galicia, así como a súa participación en iniciativas a favor da cultura marítima son, entre outros, algúns dos criterios que tivo en conta a Asociación Galega de Historiadores para concederlle a Bernardo Máiz o seu premio Manuel Murguía ao labor e mérito historiográfico. A entrega terá lugar este sábado nun xantar-homenaxe no que tamén participarán Mini e Mero, músicos e cantores d'A Quenlla.
