"A súa contribución decisiva e xenerosa á recuperación e mantemento do patrimonio cultural do país, e a súa traxectoria de docencia e divulgación das ciencias sociais e naturais en galego" valeulle a Mini e Mero, recoñecidos músicos e activistas culturais o premio Osíxeno de Honra. A Asociación para Defensa Ecolóxica de Galiza (ADEGA) entrega este sábado os seus galardóns anuais nunha cea que se desenvolverá no resturante Casa Teodora de Arzúa.
Canda a Mini e Mero resultaron premiados cos premios Osíxeno pola mellor actuación ambiental do ano Xosé Alfredo Pereira, presidente da Organización Galega de Comunidades de Montes en Man Común na categoría individual e a Plataforma pola Defensa da Serra do Galiñeiro como colectivo. Os premios Dioxina, que denuncian a actitude ou actuación máis agresiva e insustentábel foron para Alfonso Puente, alcalde de Barreiros e mais para a Consellaría do Medio Rural.
