A gastronomía, as festas populares, os oficios tradicionais e as xentes que viven aquí... unha visión da Galicia contemporánea pero partindo da tradición. Este é o obxectivo de Miradoiro Galicia, unha publicación editada polo Xacobeo con 260 imaxes realizadas polo coñecido fotógrafo Vari Caramés (Ferrol, 1953). Durante un ano estivo a buscar imaxes que permitiran ofrecer unha visión diferente da Galicia actual que mesture tanto paisaxes como as xentes que caracterizan o país.
