A Xunta cifra en 4.4 millóns os visitantes a actividades culturais do Xacobeo

Roberto Varela compareceu onte no Parlamento de Galicia para dar conta do número de visitantes que deixaron as actividades culturais do Xacobeo. Segundo os cálculos do seu departamento, 4.4 millóns de persoas viñeron a Galicia (3.3 motivadas polas actividades organizadas pola propia sociedade de xestión do Xacobeo e o 1.1 millón restante a través das entidades colaboradoras como Caixa Galicia ou Caixanova). Ademais de cualificar a afluencia as actividades de “éxito incuestionable”, Varela aproveitou para criticar ao Goberno Central por “permanecer alleo”.