A Fundación Casares quere achegar o seu gran de area para contribuír á normalización lingüística por iso creou o Seminario Permanente de Lingua e Sociedade. No marco da accións deste grupo celébrase o primeiro Foro Mugardos Lingua e Comunicación (Pazo de Rilo, Mugardos, 8-9 de outubro). Nel, especialistas como Glyn Williams, Gabriel Rei-Doval, Xosé Luís Barreiro, Valentín García Gómez, Joan Argenter ou Fernando Ramallo, abordarán como se constrúe o prestixio das linguas socialmente minoritarias, que variables definen ese prestixio e como se pode actuar sobre elas. O encontro é de balde e está dirixido a publico xeral interesado no tema, así como a lingüistas, sociólogos, profesionais de servizos de normalización, axentes e intermediarios culturais ou estudantes.
