A maioría da poboación ten unha actitude positiva cara o bilingüismo

O 70.8% das persoas están, en xeral, de acordo con que os pais deberían falarlle máis galego aos seus fillos. Esta é unha das afirmacións que se sustentan nun estudo que está a ultimar o Observatorio da Cultura Galega, que tamén revela que o 90% da poboación galega pensa que é posible unha situación de igualdade nas competencias lingüísticas. No marco dos XII Encontros Para a Normalización lingüística, fíxose un avance dos datos que recollen a actitude dos galegos cara a lingua en variados aspectos (normativa, ensino, administración….). De entre os datos avanzados destaca que a maioría (87.3%) das persoas enquisadas están de acordo con que os galegos e as galegas deberían saber falar e escribir en galego. A mostra, dirixida á totalidade da poboación adulta residente en Galicia, estima que cando lles falan en galego o correcto é rematar na mesma lingua na que falan.