Os concellos do Camiño Francés pedirán reducir a franxa de protección da vía a só 30 metros

A Consellería de Cultura da Xunta ten desde o 24 de agosto en exposición pública a proposta de delimitación oficial do Camiño Francés, o que implica definir tamén a área de protección do itinerario ao carón -e a política urbanística e de construción nesa área. Os alcaldes dos concellos da Mancomunidade do Camiño Francés reuníronse onte en Melide para acordar unha alegación conxunta á proposta, na que suxiren reducir a franxa de protección. A proposta da Xunta é variable, dependendendo das características de cada tramo. Pode ir dos dous quilómetros aos douscentos metros ao redor da vía. A proposta dos alcaldes é de só 30 metros de protección en todo o camiño.