Expertos analizan en Santiago douscentos anos das independencias americanas

"1810-2010: 200 anos de Iberoamérica" é o título oficial do XIV Encontro de Latinoamericanistas españois, que organiza o Centro "Gumersindo Busto" da USC, e que reune na facultade de Xeografía e Historia a máis de 300 investigadores e exportos do Estado e de América. Os douscentos anos discorridos entre a maior parte das independencias das actuais repúblicas latinoamericanas das metrópoles de España e Portugal centran boa parte dos debates. Desde novas visións do proceso independentista ou os novos procesos políticos iniciados por moitos destes países tras douscentos anos de existencia.