O Diario Oficial de Galicia publicou onte unha resolución da Xunta pola que amplía a contía inicial das axudas aos medios escritos integramente en galego. Se a principio de xullo acordou destinar 63.000 euros a esta partida, a contía agora é de 400.000 euros. Esta ampliación chega un día despois de que A Nosa Terra anunciase o peche do seu proxecto impreso. En todo caso, o DOG explica que o incremento “non afecta ao prazo establecido na referida reolución para a presentación de solicitudes”, o que implica que os 24 medios que xa solicitaron a achega poderían ver incrementada a cantidade económica.
