Galicia é comunidade convidada na Semana Internacional da Moda de Madrid

Madrid convértese na capital da moda en setembro. Neste mes teñen lugar os dous encontros do sector máis destacados a nivel estatal. Dunha banda está a Cibeles Fashion Week (do 17 ao 22) reservada ás grandes firmas e futuras promesas; mentres que da outra está a Semana Internacional da Moda (do 2 ao 4), o mercado téxtil e creativo que agrupa a todos os profesionais do sector. Os dous encontros teñen este ano unha importante participacion galega.

Se na pasarela Cibeles estarán Roberto Verino, Adolfo Domínguez, Kina Fernandez, María barros e Jorge Bolado con American Pérez en El Ego (o apartado dedicado ás novas promesas); do outro lado, Galicia é a comunidade convidada na Semana Internacional da Moda (SIMM). Alba Conde, Sara Coleman e Kina Fernández participarán na SIMM que, ademais dos Showrooms ofrecerán tamén charlas e información sobre a moda galega. Segundo datos da Confederación de Industrias Téxtiles de Galicia, as empresas galegas facturan anualmente 10.000 millóns de euros e conta con 500 empresas.