Pechan as exposicións da XVIII edición de Viñetas sen ofrecer cifras de visitantes

Malia que a semana grande rematou unha semana antes, esta fin de semana pechaban as exposicións desta edición de Viñetas desde o Atlántico. Os organizadores do salón coruñés da banda deseñada cualificaron esta edición como a “máis visitada da súa historia” pero sen achegar cifras reais de asistencia. Nunha nota de prensa apuntaron a “afluencia de visitantes a todas as salas do Festival foi masiva e constante durante estes primeiros sete días (referíndose á semana grande entre o 9 e o 15 de agosto)”. Nunha nota de prensa Miguelanxo Prado apuntou que “Galicia, España no seu conxunto, é dende hai tempo un referente a nivel internacional, con autores recoñecidos e respectados nos mercados máis esixentes, como o francés ou o estadounidense”.