Inaugúrase o museo das Torres Arcebispais en Pontevedra

O Centro de Interpretación das Torres Arcebispais de Pontevedra inaugúrase hoxe nas proximidades da basílica de Santa María. O centro recupera parte da muralla e do foxo desta antiga fortaleza, amosando marcas de canteiro e outros restos con apoio de audiovisuais e maquetas, entre outro material. Para mañá están programados seis turnos de visita de balde. Será no mes de setembro cando comecen as visitas de xeito regular ao conxunto.