Pontevedra prepara un novo museo subterráneo

Ao xa anunciado Museo da Historia e mais ao Museo Aberto da Muralla, o Concello de Pontevedra sumará nos vindeiros anos un novo proxecto deste tipo. O Centro de Interpretación da Torres Arcebispais será un espazo subterráno situado nas proximidades da Basílica de Santa María. Nel poderán coñecerse os restos das mentadas atalaias e mais os restos do muro e do foxo defensivo asociado a elas. Ademais, amosaranse restos coma os proxectís de catapulta aparecidos na excavación e mais a reconstrución dunha destas armas. O local contará cun total de 715 metros cadrados e cun investimento de 1,6 millóns de euros. Prevese que o proxecto estea finalizado en oito meses. En total, achegaranse 6,5 millóns de euros ao tres espazos museísticos proxectados no casco histórico da Cidade do Lérez.