O futuro Museo da Historia de Pontevedra non dependerá da Deputación. A concelleira de Urbanismo, Teresa Casal, anunciou a súa intención de que sexa unha fundación de carácter local quen se encargue da musealización dos restos aparecidos onda a Ponte do Burgo. Ademais, sinalou que se creará unha ruta urbana cos diferentes restos arqueolóxicos aparecidos na cidade, coma os do Campiño e mais a avenida de Santa María.
