Bueu recupera 200 topónimos mariñeiros mediante un certame

Douscentos nomes da costa e do mar de Bueu. Este é o resultado do Concurso de Toponimia Mariñeira "O burato do inferno", que retou aos participantes a conseguir nomes destes lugares. En total foron dez os participantes que localizaron estes espazos, para o que contaron cunha completa guía que publicou o proxecto Bueuinforma para este certame e na que se dan indicacións para localizar e compilar os nomes. Queda por decidir o gañador, para o que se terá en conta a explicación da orixe de cada topónimo e mais a claridade da súa localización.