Co título Estudos de Onomástica Galega X. Os nomes do mar, a Real Academia Galega (RAG) pon a disposición no seu web os textos das intervencións da última Xornada de Onomástica Galega. Traballos sobre nomes da costa, marcas de mariñeiros, denominacións de embarcacións ou estratexias para a difusión deste patrimonio atópanse no volume.
Canda a isto, a Academia publicou tamén unha nova entrega da colección "Terra Nomeada". Alfonso Blanco Quintela asina Toponimia de Carnota, na que analiza 59 nomes de lugar da toponimia maior e oito da toponimia menor, a amosar a abundancia de topónimos únicos existentes no concello, nada menos que 20 dos presentados.
No traballo, apunta ademais a importancia dos topónimos prerromanos conservados no lugar, como son a propia Carnota ou Lira. Non entanto, o autor desbota a pretendida orixe celta do nome Pindo, que apón a existencia dun certo tipo de piñeiro no lugar.
