Unha exposición sobre Ex libris de obras galegas servirá para inaugurar a Biblioteca e o Arquivo de Galicia, os primeiros edificios da Cidade da Cultura en abrir ao público. Segundo publica hoxe La Voz de Galicia a Xunta convocou o concurso público que prevé investir 226.560 euros na organización da mostra, incluíndo vitrinas, medidas de seguridade e outros elementos. Segundo adianta este xornal, citando expedientes administrativos da Xunta, a data da inauguración será o 14 de novembro.
