Estudo das migracións estacionais dos telleiros do Baixo Miño (1750-1900) é o título co que a investigadora María de los Ángeles Verea gañou o XV Premio de Investigación Ferro Couselo. O Concello de Valga outorgarálle 4.000 euros á vencedora, mentres que o vigués Alejandro Fernandez conseguiu a bolsa de 3.000 euros para desenvolver unha investigación no propio concello, centrada no patrimonio industrial relacionado coas tellas e cerámica.
