Hai 150 anos nacía en Ferrol o que chegaría a ser un dos políticos máis destacados do Estado Español, Pablo Iglesias. A data conmemorarase na cidade con múltiples actos que se desenvolverán ó longo de todo o mes. Ademais da ofrenda floral que inaugurou onte as homenaxes, prevese nomear a Iglesias fillo predilecto de Ferrol.
Actos
Entre os actos de recoñecemento que prepara o concello está o de recuperar unha placa retirada en 1936 adicada ó tipógrafo e político. Tamén se manexa a posibilidade de dedicar o parque de Telleira ó ilustre ferrolán, e realización dun video divulgativo sobre a influencia de Iglesias no movemento obreiro de Galicia. Os actos prolongaranse ata o nove de decembro,
PSOE e UXT
O Partido Socialista e a Unión Xeral de Traballadores tamén prepara varios actos para lembrar o seu fundador. Está previsto que os principais dirixentes do partido a nivel estatal se acheguen á cidade departamental para participar nas honras. Cóntase coa presencia de Rodríguez Zapatero, Cándido Mëndez e Alfonso Guerra, presidente da Fundación Pablo Iglesias.
