Comezan as homenaxes a Curros Enríquez no centenario da súa morte

O vindeiro venres, sete de marzo, comezan no coruñés cemiterio de San Amaro os actos de conmemoración polos cen anos da morte de Curros Enríquez. Unha ofrenda floral, discursos e recitais poéticos compoñen un programa que se trasladará tamén a Pazos de Borbén nese mesmo día e mais a Celanova sábado. Os actos contan coa colaboración da Real Academia galega, a Fundación Curros e a Secretaría Xeral de Comunicación da Xunta de Galicia, entre outros colectivos. En Ferrol, pola súa banda, o Real Coro Toxos e Froles lembrou a penalista Concepción Arenal cunha conferencia, unha ofrenda floral e a inauguración dun busto.