Os actos do centenario da morte de Curros Enríquez están a trascender as nosas fronteiras. As homenaxes comezan hoxe na Coruña e en Celanova con senllos actos e continúan mañá no mosteiro desta última localidade cun encontro sobre o traballo xornalístico deste autor. A estes fastos súmanse as xornadas que están a se celebrar na Habana onde analizan o traballo de Curros na illa caribeña, a súa relación coa masonería, o seu traballo na prensa e mais as relacións que estableceu con escritores cubanos.
