O padroado da Fundación Curros Enríquez acordou onte en Celanova o programa co que quere celebrar o centenario do poeta que lle dá nome. Os primeiros actos terán lugar na Coruña o vindeiro sete de marzo, cunha ofrenda floral e o anuncio do gañador do premio “Celanova, Casa dos Poetas”. Ao longo do ano iranse coñecendo outros eventos, para os que xa anunciaron a súa colaboración institucións coma a Consellaría de Cultura, o Consello da Cultura, as tres universidades ou a Real Academia Galega.
