O Consello da Cultura analiza o Botafumeiro nun volume

O Botafumeiro da Catedral de Santiago é sen dúbida un dos elementos identificativos máis importantes do fenómeno xacobeo. Agora, o Consello da Cultura presenta o volume O Botafumeiro. Estudos e evocacións unha obra publicada por Hércules de Edicións que recolle diferentes perspectivas sobre o coñecido incensario. A historia desta peza, diferentes referencias literarias sobre o mesmo, a propia orixe do nome e mesmo os fenómenos físicos que se agochan detrás da traxectoria do mesmo trátanse en amplos artigos de José María Díaz Fernández, Xosé M. Sánchez Sánchez, Antón Santamarina e Juan R. Sanmartín.