Queiman dous retablos do século XIV na igrexa de Santo Tomé de Maside

Uns descoñecidos forzaron na noite do pasado sábado a porta da igrexa de Santo Tomé, en Maside e prendéronlle lume a dous retablos de madeira do século XIV que estaban no seu interior. Os dous retablos quedaron totalmente calcinados, sen que polo de agora se coñeza a identidade nin o móbil dos autores deste feito. O tellado do templo fora sometido recentemente a obras de rehabilitación.