Interior queimado da Capela dos Remedios. Foto: Xunta de Galicia
Na madrugada de onte, un incendio arrasou coa Capela dos Remedios, ao carón da Ponte Romana de Ourense. Era unha capela do XVI, e a acción do lume destruiu o retablo maior, as imaxes, as figuras e a maior parte dos bancos, aínda que a estrutura arquitectónica non pareceu sufrir tanto dano. Técnicos da Consellería de Cultura están avaliando o desastre e considerando as medidas para a rehabilitación do templo.
