A V Edición do Premio Abrente de Textos Teatrais xa ten gañador. O xurado seleccionou a obra Aquelas cousas do verán de Manuel Lourenzo entre as 12 presentadas. No seu fallo, destaca a contemporaneidade do texto e mais o dominio da tensión dramática que amosa o autor. Lourenzo recibirá 3.000 euros de premio e mais unha estatuiña conmemorativa que se lle entregará sábado na gala da Mostra Internacional de Teatro de Ribadavia.
