Só falta o visto bo do servizo xurídico para que a Real Academia Galega presente o seu recurso xudicial ao decreto para o plurilingüismo no ensino. Segundo explicou o propio presidente da institución, Xosé Luís Méndez Ferrín, os membros da Academia xa tomaron o acordo de presentar o recurso, e agora un equipo de letrados está a procurar os fundamentos xurídicos máis axeitados para o mesmo.
