O vindeiro sábado 23 de xaneiro, se nada se torce, a Real Academia terá novo presidente. Os membros esta institucións teñen programada para esa tarde unha sesión plenaria na que elixirán o substituto de Xosé Ramón Barreiro. O prazo de presentación de candidaturas remata o vindeiro día 21, e polo momento a única existente é a de Méndez Ferrín, que conta cos avais do propio Barreiro, de Xosé Luís Axeitos, arquiveiro da Academia, e mais do catedrático de Filoloxía Ramón Lorenzo. Malia ao aparente acordo na institución encol da proposta de Ferrín, o propio candidato comentaba hoxe nunha entrevista a La Opinión que, de xurdir outra iniciativa, podería retirar a súa candidatura para evitar enfrontamentos.
