Ferrín buscará unha xunta directiva para a Real Academia Galega por consenso

Alén do cargo de presidente, para o que de momento só se baralla a candidatura de Xosé Luís Méndez Ferrín, haberá que nomear secretario, vicesecretario, tesoureiro e arquivo-bibliotecario. Segundo publican hoxe os xornais La Opinión e Faro de Vigo, se Ferrín sae elexido consesuará nun pleno cos membros numerarios a composición da xunta directiva da Real Academia Galega. Ademais, estes mesmos xornais aseguran que Víctor Freixanes descarta presentarse como candidato polo compromiso que mantén con Galaxia.