Hoxe ás 12:00 horas pechaba o prazo de presentación de candidaturas a presidir a Real Academia Galega. Tal e como se agardaba, Xosé Luís Méndez Ferrín é o único candidato a suceder no posto a Xosé Ramón Barreiro Fernández. O sábado terá lugar o plenario da Academia no que o candidato exlicará o seu programa de xestión que se someterá á posterior votación segreda. Ademais, a web da RAG informaba hoxe que o pasado 4 de xaneiro finou en Lancaster (Inglaterra) don Fernando Pérez-Barreiro Nolla, académico correspondente da RAG, da que formaba parte desde o 22 de xuño de 2002.
