Unha escavación arqueolóxica nas proximidades do Castro das Travesas, en Carral, tirou á luz o que podería ser un ramal da Vía XX, construída polos romanos. O equipo que dirixe Antón Malde atopou restos deste camiño no Concello de Abegondo, que se suman aos aparecidos onda o Castro das Travesas. Pendentes de novas descubertas, os restos semellan confirmar a teoría que propugna que este camiño unía Lugo con Caldas de Reis, a pasar por Sobrado, Mesón do Bento e a Laracha.
