O Concello de Lugo está a realizar consultas con outras cidades que posúen restos arqueolóxicos romanos para saber cal é o mellor xeito para expor ó público os restos dos mosaicos romanos aparecidos na rúa Doutor Castro. Hai uns anos xa aparecera unha parte desta peza artística nunha casa desta rúa, pero foi o pasado xoves cando se atopou un segundo fragmento no que, ademais dos motivos xeométricos do mosaico pode apreciarse a figura dun animal. Especúlase con que os restos poderían corresponder ó chan dunha cada. Está previsto que as escavacións rematen o vindeiro vinte de setembro.
Máis información en El Progreso do día 28 de agosto ; día 30 de agosto ; e día tres de setembro
