A Real Academia Galega e a Sociedad Española de Ciencia del Suelo (SECS) asinaron onte na Fundación Penzol, un convenio para a realización dun Glosario de Ciencia del Suelo. Será sincrónico, multilingüe, especializado e selectivo en español, catalán, éuscaro e galego, coas equivalencias en inglés e francés. O proxecto non contempla só as equivalencias de vocabulario senón tamén as definicións do termo. A SECS dispón dunha plataforma terminolóxica que inclue 2.500 voces que fan parte do corpus sobre o que traballará a RAG. O resultado final será de libre acceso e estará dispoñible na rede.
