Reabre o Museo Casa da Troia despois de dous anos pechado

Fai parte da historia da cidade de Santiago pero, sobre todo da súa universidade. Por iso, non é de estrañar que estas dúas entidades, xunto coa Consellaría de Cultura, se implicaran na reapertura desta casa-museo. Pero a iniciativa non foi súa, senón da Asociación de Antigos Tunos Composteláns, que conseguiu os apoios económicos para que o vindeiro día 15, a Casa da Troia reabra ao público xeral. Non será unha solución definitiva, xa que o acordo garante a súa apertura, como mínimo ata decembro. Ademais, esta asociación pretende facer unha nova edición da novela e programar actividades divulgativas e sociais sobre este edificio inmortalizado por Pérez Lugín en A casa da Troia.