A Fundación Propatrimonio de Rois consegue financiamento privado para escavar en Socastro

Serán iberdrola e Beirasar de Xestión as dúas entidades privadas que financien, canda a Dirección Xeral de Xuventude, a campaña de escavación no castro de Socastro (Herbogo, Rois). A Dirección Xeral de Patrimonio non concedeu as axudas para esta campaña anual e a xerente da Fundación, Nina Alvela, viuse abocada a conseguir diñeiro privado para poder continuar cos traballos. Este ano manterase todo o programa de actividades (escavación arqueolóxica, obradoiros, inventariado do patrimonio de Rois). A escavación de anos anteriores permitiu datar cronoloxicamente o castro arredor do século I.