Os directores de catro fundacións galegas (10 de marzo, Eugenio Granell, Carlos Casares e Vicente Risco) asinaron onte un convenio co Conselleiro de Cultura, Roberto Varela, para a dixitalización de fondos. A administración autonómica comprométese a dixitalizar o material documental que albergan esas entidades e o resultado pasará a engrosar os arquivos da Fundación Cidade da Cultura. O obxectivo é recuperar, facilitar e divulgar a sociedade ese patrimonio. En total dixitalizaranse máis de dez mil documentos entre debuxos, gravados, fotografías, pranchas, mecanuscritos e primeiras edicións de obras.
