Desde principios de mes hai na finca de Mirambell (Vigo) unha mostra que amosa "in situ" o traballo dunha excavación arqueolóxica. Trátase dos traballos de que se desenvolven na vila romana que se descubreu hai uns meses nesa finca e que o concello quere dar a coñecer. Por iso hoxe pon en marcha unha iniciativa, "Toralla en bañador", para que os bañistas vexan a exposición e observen directamente as pezas atopadas no xacemento. As actuais obras concluirán o próximo 8 de setembro para poñerse en marcha cunha segunda fase do proxecto que supón unha catalogación de todas as pezas, así como un informe para delimitar o futuro centro de interpretación da zona.
