62 empresas e comercios adoptan o certificado Abertos ao galego da Mesa pola Normalización

Xoiarías, pubs, tendas de roupa, librarías, xestorías, editoras, fornecedoras de equipos de seguridade, adegas, etc, son algunhas das integrantes do Certificado Abertos ao Galego, promovido pola Mesa pola Normalización Lingüística para promover a lingua na empresa e no comercio. O certificado ofrece catro graos distintos, en función do nivel de uso do galego da empresa, no que o mínimo é un ("os que dan os primeiros pasos") e o máximo é catro ("os que solicitan a información e documentación en galego a provedores e administracións"). Os asociados ao certificado pagan unha cota de 48 euros anuais para o mantemento das actividades e materiais do propio certificado.