A Casa dos Peixes estrea un tanque para polbos e un Estanque das Caricias

É un dos museos máis visitados da Coruña e xunto coa Domus e a Casa das Ciencias contribúen a divulgar a ciencia de xeito lúdico. A Casa dos Peixes acaba de estrear dous novos espazos: un tanque no que vivirán 170 polbos e o Estanque das Caricias, que permitirá aos visitantes observar en profundidade as especies mariñas. Esta última instalación contará coa axuda dunha lupa, un microscopio e un ordenador que, coa axuda dun monitor pretende achegar máis detalles sobre o mundo mariño desde o punto de vista científico.