A estela que deixa a chuvia ao pasar inspirou a Menchu Lamas nos últimos anos para desenvolver obras nas que xoga cos sinais, texturas, transparencias e densidades. Menchu presenta estes días na galería SCQ unha síntese dos seus últimos anos de traballo que ofrecen unha viaxe sensorial anegada de liñas, espazos, manchas e saturacións para evidenciar unha obra na procura doutras olladas. A chuvia do soño poderá visitarse na galería SCQ ata o vindeiro 16 de xullo.
