Quiosco: A xanela 29

Documentos gráficos, un texto sobre o autor de Luís Seoane, un perfil biográfico e unha escolma poética compoñen o especial que a revista A Xanela lle dedica a Uxío Novoneyra no seu número 29. Canda a isto, a Revista Cultural das Mariñas achega textos de creación literaria a cargo de Grabriela Rodríguez, Francisco Painceira ou Maxi Rei, entre outros. Artigos sobre memoria histórica, patrimonio, etnografía ou arqueoloxía, así como humor gráfico completan os contidos desta entrega, que se presenta ás oito e media da tarde do 11 de xuño na Sala Azul do Edificio Arquivo.