Isabel Coixet homenaxeará a John Berger cun espectáculo na cadea coruñesa

Despois do seu ensaio como centro cultural cun festival de cinema en formato Súper 8, a antiga cadea da Coruña terá o vindeiro 10 de xuño outra cita coa cultura. Será na particular e atípica homenaxe que a cineasta Isabel Coixet lle fará a John Berger nun proxecto multimedia que titulou “From I to J” que xa se desenvolveu en Barcelona ou Madrid. O encontro consiste nunha intervención inspirada no último libro do escritor no que unha muller escribe cartas ao seu marido preso. Leonor Watling, Isabelle Huppert ou Penélope Cruz son algunhas das oito actrices que lerán esas cartas na instalación que estará aberta ao público en xeral.