A Associaçom Galega da Língua adapta a súa norma ao Acordo Ortográfico Portugués

A normativa reintegracionista para o galego muda. A Associaçom Galega da Língua fai público no Portal Galego da Língua a actualización da súa proposta ortográfica. A Comissom Lingüística da AGAL abordou a maior reforma destas normas nos últimos vinte anos para adaptar as mesmas ao Acordo Ortográfico da Língua Portuguesa, que entrou en vigor recentemente en Brasil e Portugal. As modificacións recollidas afectan, fundamentalmente, ao emprego de grupos consonánticos, ao trazo en palabras compostas ou ao -n final en cultismos, entre outras cuestións.