A Xunta de Goberno local aprobou o venres a inscrición dunha parcela do parque ofimático no Rexistro da Propiedade. Canda esta medida, comprometuese a urbanizar o terreno próximo a esta parcela. Deste xeito, segundo o concello da Coruña, cúmprense os requisitos esixidos pola Xunta para que se inicie a construción do Centro Coreográfico Galego. Unha infraestrutura prometida para a cidade e que conta cunha axuda do Miniserio de Cultura que, tiña que ser devolta (con intereses) se o edificio non se remataba antes de xullo de 2010. Agora, cómpre agardar que o Ministerio de Cultura conceda unha prórroga que permita executar a partida que xa foi ingresada nunha conta da Xunta o pasado mes de novembro.
