AGADIC busca prórrogar a axuda do Ministerio para a sede do Centro Coreográfico

Malia que o concello da Coruña lle cedeu unha parcela á Axencia Galega das Industrias Culturais (AGADIC) para construír a sede da unidade de danza (Centro Coreográfico Galego), o solar non está urbanizado nin figura no rexistro da propiedade. Dúas condicións necesarias para que a AGADIC execute as obras de construcción antes do 31 de xullo con cargo aos 1.4 millóns de euros que orzamentou o Ministerio de Cultura. De feito, Juan Carlos Fasero, director da Axencia, estivo onte en Madrid xestionando, entre outras cousas, unha prórroga do tempo para esa partida ante os requerimentos legais.