A achega de 1,4 millóns de euros adxudicada polo Ministerio de Cultura á construción da sede do Centro Coreográfico Galego podería perderse. Segundo publica hoxe Xornal de Galicia, o director da Axencia Galega das Industrias Culturais, Juan Carlos Fasero, entrevistarase en breve cos responsables do Ministerio para solicitar unha prórroga de cara ao comezo das obras, que segundo as condicións actuais deberían iniciarse antes do 31 de xullo para manter o apoio do Goberno Central. A sede está previsto que se constrúa no contorno do futuro Parque Ofimático da Coruña.
